September 21, 2019

ណែនាំ​អំពី​​កម្ពស់​ព្យញ្ជនៈ ១៣០០ ដែល​ល្អ​សម្រាប់​អក្សរ​ខ្មែរ​​ស៊ី​គ្នា​ជាមួយ​អក្សរ​អង់គ្លេស


បន្ទាប់​ពី​បាន​ស្វែងយល់​រូបរាង​កម្មវិធី​ FontCreator 6.5 ខ្លះៗ​ហើយ យើង​ចាប់ផ្ដើម​មក​ស្វែងយល់​ឲ្យ​ដល់​គិត​អំពី​កំពស់​អក្សរ​ខ្មែរ ថា​តើ​ត្រូវ​ដាក់​ទំហំ​ប៉ុណ្ណា​ដើម្បី​ឲ្យ​ស៊ី​គ្នា​ជាមួយ​អក្សរ​អង់គ្លេស ។ សូម​រំលឹក​ថា​ពុម្ព​អក្សរ​ពី​មុនៗ​ដូចជា Khmer OS ឬ NiDA គឺ​ត្រូវ​បាន​រចនា​ឡើង​ឲ្យ​មាន​កំពស់​ព្យញ្ជនៈ ១៥០០ ដែល​កំពស់​នេះ​ធ្វើ​ឲ្យ​អក្សរ​ខ្មែរ​រាង​មាន​ទំហំ​ធំ​ជាង​អក្សរ​អង់គ្លេស​បន្តិច​ហើយ ។

មួយ​វិញ​ទៀត​បើ​យើង​ចង់​ឲ្យ​អក្សរ​ខ្មែរ​មាន​ទំហំ​ស៊ី​គ្នា​ជាមួយ​អក្សរ​អង់គ្លេស ​គឺ​យើង​ត្រូវ​រចនា​ពុម្ព​អក្សរ​មួយ​ថែម​ទៀត ដែល​នេះ​ពិត​ជា​ចាយ​ពេល​វេលា​ណាស់ ខណៈ​ដែល​ពុម្ព​អង់គ្លេស​មាន​ច្រើន​អាច​ឲ្យ​យើង​រើស​យក​មក​ដាក់​ចូល​ក្នុង template  ដើម្បី​គ្រាន់​សម្រួល​នៅ​ពេល​វាយ​អក្សរ ។

មាន​វិធី​សាស្ត្រ​មួយ​ដែល​ងាយស្រួល​នោះ​គឺ យើង​រចនា​​អក្សរ​ខ្មែរ ទៅ​តាម​លំនាំ​អក្សរ​អង់គ្លេស ដែល​មាន​កម្រាស់ ​ទៅ​តាម​ប្រភេទ​ regular ឬ bold ជាដើម អាច​ធ្វើ​ឲ្យ​ពុម្ព​អក្សរ​ខ្មែរ​ស៊ី​គ្នា​ផ្នែក​កម្រាស់ តែ​កម្ពស់​តើ​យើង​​ត្រូវ​ដាក់​កម្ពស់​ប៉ុន្មាន​សម្រាប់​អក្សរ​ខ្មែរ បើ​ធៀប​ជាមួយ​អក្សរ​អង់គ្លេស​ដែល​មាន​កម្ពស់​អក្សរ​ធំ​ប្រហែល ១៤០០ ទៅ ១៥០០ នេះ​សម្រាប់​ពុម្ព​ដែល​ប្រើ​ក្នុង Windows ។

ដូច្នេះ​ខ្ញុំ​បាន​ធ្វើ​ការ​ផ្គុំ​ជើង​ស្រៈ​និង​ព្យញ្ជនៈ​របស់​អក្សរ NiDA សុវណ្ណាភូមិ រួច​បង្រួម​ព្យញ្ជនៈ​ពី ១៥០០ មក​នៅ​ត្រឹម ១៣០០ វិញ ដែល​វា​នឹង​ពង្រួម​ជើង​ស្រៈ ដែល​ខ្ញុំ​យក​មក​ផ្គុំ​ចូល​គ្នា​ដែរ នោះ​យើង​បាន​រូប​រាង​ដូច​រូបភាព​ខាងក្រោម​នេះ ៖
NiDA សុវណ្ណាភូមិ លំនាំ​ដើម​មាន​កម្ពស់​ព្យញ្ជនៈ ១៥០០

NiDA សុវណ្ណាភូមិ ដែល​បាន​បង្រួម​កម្ពស់​ព្យញ្ជនៈ​មក​ត្រឹម ១៣០០

នេះ​ជា​ពុម្ព​អក្សរ​ខ្ញុំ​កន្លង​មក​ដែល​ធ្វើ​កម្ពស់​ព្យញ្ជនៈ​ត្រឹម ១៣០០

ដូច្នេះ​យើង​ទទួល​បាន​ពុម្ព​អក្សរ​ខ្មែរ​ដែល​មាន​កម្ពស់​ស៊ី​គ្នា​ជាមួយ​អក្សរ​អង់គ្លេស តែ​ផ្នែក​កម្រាស់​គឺ​ត្រូវ​មើល​លើ​អ្នក​រចនា​ពុម្ព​នីមួយ​ថា​គាត់​បាន​គិត​លើ​ផ្នែក​កម្រាស់​នេះ​ដែរ​ទេ បន្ទាន់​ពី​ផ្នែក​កំពស់​រួច​មក ។

សូម​មើល​វីដេអូ​​ខាង​ក្រោម​នេះ ៖



ជា​ទូ​ទៅ​បើ​យើង​និយាយ​ពី​ពុម្ព​អក្សរ​ខ្មែរ​ មាន​ខ្លះ​អត់​អក្សរ​អង់គ្លេស​ និង​មាន​ខ្លះ​មាន​អក្សរ​អង់គ្លេស​មក​ជាមួយ ដែល​នេះ​មក​ពី​អ្នក​បង្កើត​គាត់​ចង់​ដាក់​ឬ​មិន​ចង់​ដាក់ តែ​សម្រាប់​ពួក​យើង​ដែល​ឧស្សាហ៍​ប្រើប្រាស់​កម្មវិធី​រចនា​ដូចជា Adobe Photoshop នោះ​ពិត​ជា​មាន​ការ​ពិបាក​ដែល​មក​ប្រើ​ពុម្ព​អក្សរ​ខ្មែរ​ដែល​អត់​មាន​ភ្ជាប់​អង់គ្លេស​មក​ស្រាប់ ដែល​ធ្វើ​ឲ្យ​វា​មិន​ចេញ​នៅ​ពេល​ប្ដូរ​ក្ដារចុច​ម្ដងៗ ។

Post a Comment

Whatsapp Button works on Mobile Device only

វាយតែមួយពាក្យដែលអ្នកចង់ស្វែងរក