July 4, 2019

ចៀន​ប៉េងប៉ោះ​ញាត់​​សាច់​ជ្រូក​ចិញ្ច្រាំ​និង​បង្គាក្រៀម


៙ គ្រឿងផ្សំ ៖

១- ម្សៅ​រ៉តឌី រឺ ម្សៅ​ប៊ីចេង ១ ស្លាបព្រាកាហ្វេ
២- ស្ករស ១ ស្លាបព្រាកាហ្វេ
៣- អំបិល ​១/២ ស្លាបព្រាកាហ្វេ ឬ​តិច​ជាង​នេះ
៤- ទឹកត្រី ១ ស្លាបព្រាបាយ
៥- ខ្ទឹមស ១ មើម
៦- ទឹកស៊ីអ៊ីវ ១ ស្លាបព្រាបាយ
៧- សាច់​ជ្រូក​ស្រស់ ០.៣ គីឡូក្រាម (អាច​យក​លើ​នេះ)
៨- ទឹក​ប្រេងខ្យង ១ ស្លាបព្រាបាយ
៩- ប្រេងឆា ៥០ មីលីលីត្រ
១០-​ ម្រេច​ម៉ដ្ឋ ១ ស្លាបព្រាកាហ្វេ
១១- ដើម​ខ្ទឹម​ស្រស់ ៥ដើម
១២- ប៉េងប៉ោះ ៤ផ្លែ
១៣- បង្គា​ក្រៀម ១០ក្រាម

៙ វិធី​​ធ្វើ ៖

- តំបូង​រៀបចំ​គ្រឿង ៖

១- លាង​សម្អាត​សាច់​ជ្រូក​រួច​ ចិញ្ច្រាំ​ឲ្យ​ម៉ដ្ឋ​ដាក់​ក្នុង​ចាន​មួយ​ផ្នែក
២- លាង​សម្អាត​ប៉េងប៉ោះ ចិត​ក្បាល​ចេញ​ឆ្កៀល​យក​គ្រាប់​ចេញ
៣- ចិញ្ច្រាំ​ខ្ទឹមស​រួច​ដាក់​ទុក​ក្នុង​ចាន​
៤- យក​បង្គា​ក្រៀម​មក​ត្រាំទឹក
៥- ហាន់​ដើម​ខ្ទឹម​ស្រស់​ជា​ចំណិត​តូចៗ​រួច​ដាក់​ទុក​ក្នុង​ចាន
៦- យក​ចាន​គោម​មួយ ចាក់​សាច់​ជ្រូក​ចិញ្ច្រាំ ខ្ទឹមស​ចិញ្ច្រាំ​ ដាក់​ទឹកត្រី ទឹកស៊ីអ៊ីវ ម្សៅ​រតឌី ស្ករស ប្រេងខ្យង ម្រេច​ម៉ដ្ឋ បង្គា​ក្រៀម​ចូល រួច​កូរ​ឲ្យ​សប់ ។
៧- បន្ទាប់មក​យក​វា​ទៅ​ញាត់​ចូល​ប៉េងប៉ោះ​ដែល​បាន​ឆ្កៀល​គ្រាប់​ចេញ ។

- បន្ទាប់​មក​ទៀត​ចាប់ផ្តើម​ចម្អិន ៖

១- ដាក់​ខ្ទះ​ឲ្យ​ក្តៅ រួច​ដាក់​ប្រេង​ឆា​ចូល
២- ដាក់​ប៉េងប៉ោះ​ដែល​បាន​ញាត់​សាច់​ជ្រូក​ចូល​មក​ចៀន ឲ្យ​ទាល់តែ​ឆ្អិន​ជា​ការស្រេច (ត្រូវ​ផ្កាប់​ខាង​សាច់​ជ្រូក​ទៅ​មុន) ។

ម្ហូប​នេះ​យើង​អាច​បរិភោគ​ជាមួយ​បាយ ជា​ម្ហូប​ពេល​ថ្ងៃត្រង់ និង​ពេល​ល្ងាច ។

សូម​ទស្សនា​វីដេអូ



___________
ប្រភព http://regionalcooking.blogspot.com

Post a Comment

Whatsapp Button works on Mobile Device only

វាយតែមួយពាក្យដែលអ្នកចង់ស្វែងរក