April 11, 2019

ទាញ​យក​វចនានុក្រម​ខ្មែរ Offline និង Online


សព្វថ្ងៃ​មាន​កម្មវិធី​វចនានុក្រម​ភាសា​ខ្មែរ និង អង់គ្លេស​បក​មក​ខ្មែរ​ជា​ច្រើន​ដាក់​ឲ្យ​ប្រើប្រាស់​ឥត​គិត​ថ្លៃ តែ​មាន​កម្មវិធី​មួយ​ចំនួន​ពិបាក​ក្នុង​ការ​ប្រើប្រាស់​ដោយសារ​មិន​បាន​បន្ថែម​ពាក្យ​ថ្មីៗ​មក​នោះ​ទេ ។ ដូច្នេះ​ដើម្បី​មាន​ភាព​ងាយស្រួល​ប្រើប្រាស់ គឺ​ទាមទារ​វចនានុក្រម​ដែល​សម្បូរ​ពាក្យ​ជាង​គេ ដែល​ក្នុង​ពេល​នេះ​ខ្ញុំ​សូម​ណែនាំ​ដូច​ខាង​ក្រោម ៖

៙ វចនានុក្រម​សម្រាប់​ដំឡើង​ក្នុង​កុំព្យូទ័រ Windows 10 ៖

តាំង​ពី​កកើត​ពុម្ព​អក្សរ​ខ្មែរ​ដែល​ខ្ចី​ក្ដារចុច​អង់គ្លេស និង​រហូត​មក​ដល់​ខ្មែរ​យើង​បាន​យូនីកូដ​ប្រើប្រាស់​ជា​ផ្លូវការ យើង​មាន​វចនានុក្រម​ជា​ច្រើន​មក​ដែរ តាំង​ពី​វចនានុក្រម​ប្រើប្រាស់​ពុម្ព​អក្សរ Limon តែ​ខ្ញុំ​លើក​យក​តែ​វចនានុក្រម​ដែល​ប្រើប្រាស់​យូនីកូដ​ខ្មែរ​មួយ​ចំនួន​តែ​ប៉ុណ្ណោះ ។

១- SBBIC Khmer to English Dictionary ឬ​មាន​ឈ្មោះ GoldenDict SBBIC ដែល​មាន​ពាក្យ​ខ្មែរ​បក​ទៅ​ខ្មែរ (វចនានុក្រម​សម្ដេច​ជួនណាត) និង​អង់គ្លេស​មក​ខ្មែរ (វចនានុក្រម​ពាក្យ​បច្ចេកទេស​ប្លែកៗ) ដែល​មាន​ន័យ​ថា​កម្មវិធី​មួយ​មាន​២​វចនានុក្រម ។ ទាញ​យក​និង​មិន​ចាំបាច់​ដំឡើង​នោះ​ទេ ។ ចុច​ទីនេះ​ទាញយក

២- ANT Dictionary V2 ឬ ANT Dictionary 2011 PE ជា​វចនានុក្រម​របស់​សាលា​បង្រៀន​កុំព្យូទ័រ ANT ដែល​វចនានុក្រម​នេះ​មាន​ពាក្យ​ច្រើន និង​ពាក្យ​បច្ចេកទេស​ច្រើន​ ។ ចុច​ទី​នេះ​ទាញ​យក

៣- ANT Pedia 2016 ​ត្រូវ​បាន​បង្កើត​ឡើង​ដោយ ANT Magazine ដែល​ធ្វើការ update ចេញពី​វចនានុក្រម អាន-ANT ឆ្នាំ​២០១១ និង ២០១២ ។ ជា​កម្មវិធី​ខ្នាត​ធំ​មួយ​របស់ អាន-ANT ដែល​មាន​គោល​បំណង​ចងក្រង ប្រមូលផ្ដុំ​នូវ​ចំណេះដឹង និង​ឯកសារ​ផ្សេងៗ​ដល់​អ្នក​ប្រើ​ប្រាស់ ។ ចុច​ទី​នេះ​ទាញ​យក​ ឬ​ ចុច​តំណ​នេះ

៙ វចនានុក្រម​ខ្មែរ​លក្ខណៈ Online (ត្រូវ​ការ​អ៊ីនធឺណិត​) ៖

ដោយសារ​បច្ចេកវិទ្យា​មាន​ការ​រីក​ចម្រើន រហូត​ធ្វើ​ឲ្យ​គេហទំព័រ​ក៏​មាន​លទ្ធភាព​និង​មុខងារ មិន​បាច់ កម្មវិធី​ដែល​ដំឡើង​ក្នុង​កុំព្យូទ័រ​ឡើង គ្រាន់តែ​យើង​ចាំបាច់​ត្រូវ​បាន​អ៊ីនធឺណិត​ទើប​អាច​ប្រើប្រាស់​បាន ។ ក្នុង​នេះ​ខ្ញុំ​លើក​យក​គេហទំព័រ​រវចនានុក្រម​មួយ​ចំនួន​ដែល​ខ្ញុំ​ដឹង និង​គិត​ថា​សំខាន់ ។

១- Khmer Online Dictionary (KOD) ជា​វចនានុក្រម Online ដែល​ងាយស្រួល​ប្រើប្រាស់​បាន​ពាក្យ​ច្រើន និង​ជា​ផ្នែក​មួយ​នៃ TovNah website ។ ចុច​លើ​តំណ​នេះ http://dictionary.tovnah.com/

២- Glosbe - the multilingual online dictionary គេហទំព័រ​វចនានុក្រម​នេះ មាន​លទ្ធភាព​បកប្រែ​បាន​ច្រើន​ភាសា ក្នុង​នោះ​មាន​ភាសា​ខ្មែរ​​ទៅ​អង់គ្លេស​ដែល​​ជា​ទិន្នន័យ​របស់ SBBIC dictionary ផង​ដែរ ។ ចុច​លើ​តំណ​នេះ https://glosbe.com/

៣- ANT Dictionary Online ជា​វចនានុក្រម​របស់​សាលា​បង្រៀន​កុំព្យូទ័រ ANT ជា​ទម្រង់​គេហទំព័រ​ដែល​តម្រូវ​ឲ្យ​មាន​អ៊ីនធឺណិត​​ទើប​អាច​ប្រើប្រាស់​បាន តែ​វា​មាន​ពាក្យ​​ថ្មី និង​ពាក្យ​ច្រើន​ជាង​រចនានុក្រម​ជា Software ។ ចុច​ទី​នេះ http://dict.antkh.com/



នៅ​មាន​ទៀត​តែ​ខ្ញុំ​លើក​យក​តែ​ប៉ុណ្ណឹង​សិន ដែល​ជា​ផ្នែក​ចាំបាច់ សម្រាប់​អ្នក​ប្រើប្រាស់​ប្រព័ន្ធ​ប្រតិបត្តិការ​ផ្សេងៗ​អាច​ស្វែករក​មើល​ដោយ​ខ្លួន​ឯង​បាន ព្រោះ​Android iOS មាន​ Apps ជា​ច្រើន​ដែល​ទាក់ទង​នឹង​វចនានុក្រម​ខ្មែរ ៕
__________
ប្រភព​ពី

Post a Comment

Whatsapp Button works on Mobile Device only

វាយតែមួយពាក្យដែលអ្នកចង់ស្វែងរក